સિસ્ટમ ગુજરાત નજીક આવી, બીજી સિસ્ટમ બની, આજે પણ ભારે વરસાદ આગાહી, જાણો સિસ્ટમ ની સ્થિતિ...
આજે 12 ઓગસ્ટ 2026 માટે ની વરસાદ આગાહી…
હવામાન સિસ્ટમની સ્થિતિ
- ચોમાસુ ધરીની સ્થિતિ: ચોમાસુ ધરી હાલમાં નોર્મલ પોઝિશન પર રાજસ્થાનના બિકાનેર, લો પ્રેશર સેન્ટરના ભાગો અને સતના થઈને બંગાળની ખાડી તરફ જઈ રહી છે.
- વર્તમાન લો પ્રેશર: હાલમાં એક લો પ્રેશર સિસ્ટમ મધ્યપ્રદેશ અને તેને લાગુ રાજસ્થાનના ભાગોમાં ગુના અને કોટા નજીક સક્રિય છે.
- નવી સિસ્ટમ: બંગાળની ખાડીમાં રહેલી સિસ્ટમ આગામી ૧૨ કલાકમાં વધુ મજબૂત બનીને લો પ્રેશરમાં ફેરવાશે.
આગામી ૨૪ કલાકની વરસાદની આગાહી
- ઉત્તર ગુજરાત: આ લો પ્રેશર સિસ્ટમની અસરથી પાલનપુર, સાબરકાંઠા, અંબાજી, ઈડર, ખેડબ્રહ્મા, મહેસાણા, પાટણ અને ડીસા સહિતના વિસ્તારોમાં વરસાદની ગતિવિધિમાં વધારો થવાની સંભાવના છે.
- મધ્ય-પૂર્વ ગુજરાત: દાહોદ, મહીસાગર અને તેની આસપાસના ભાગોમાં સારો વરસાદ પડી શકે છે. જ્યારે અમદાવાદ, ગાંધીનગર, વડોદરા, ખેડા અને નડિયાદમાં છૂટોછવાયો વરસાદી માહોલ રહેશે.
- દક્ષિણ ગુજરાત: છોટાઉદેપુર, તાપી, નર્મદા, ડાંગ, આહવા અને સાપુતારા સહિતના ભાગોમાં વરસાદની સારી ગતિવિધિ જોવા મળશે. બાકીના ભાગોમાં છૂટોછવાયો વરસાદ રહેશે.
- સૌરાષ્ટ્ર અને કચ્છ: મોરબી, સુરેન્દ્રનગર અને બોટાદ જિલ્લાના વિસ્તારોમાં વરસાદની શક્યતા વધુ છે અને ત્યાં ક્યાંક સારો વરસાદ પણ પડી શકે છે. ભાવનગર અને અમરેલીના ભાગોમાં ઝાપટા રૂપી વરસાદી ગતિવિધિ રહેશે. કચ્છના ભાગોમાં આગામી ૨૪ કલાક દરમિયાન વરસાદનું જોર એકંદરે ઓછું રહેશે.
